参加婚禮

剛剛過去的星期日我們參加了P表妹的婚禮, 好美好羨慕!  
P表妹是個很bubbly的女仔, 有她在場氣氛一定不會沉悶, 她的工作亦相當有趣, 跟動畫有關的, 好幾套卡通動畫她都有份參與. 幾年前更被一間大公司挖角, 搬到美國做跟遊戲機有關的工作呢.

外國的婚禮, 跟香港的很不同, 比較輕鬆, 沒有相識拍拖影片播放, 沒有材藝表演, 不用趕住換十萬套衫, 新郎新娘可以真正跟親友享受婚禮的喜悅.

小病是福

兩個人一起生活, 吃飯一齊, 睡覺一齊, 連病都一齊.

上星期五P便開始作感冒, 星期六還發燒, 見他沒精打彩, 整天躺在床上, 真心痛! 現在的感冒菌實在強勁, 就連工作狂的P都要請病假.

星期日難得他有點胃口, 想吃chicken burger, 於是我們便駕車到Gasworks Plaza.

中西大不同(二)

有時對著P真的很激氣! 上星期到紐西蘭工幹之前已經開始感冒, 不看醫生都算了, 前天吃晚飯前到藥房買藥, 經過超市, 還想我下車幫他買雪糕, 真過份! 我當然不就範. 爭持了一會, 好不容易回到家裡. 他竟然趁我洗澡, 偷偷溜出去買雪條!

太過份了吧? 還未算! 

拍拖

我們一起已經了七年多了, 間中還是會約對方去街食飯, 享受一下拍拖的感覺. 星期四他上班後, 我email約他吃飯, 於是義工回家後, 我便洗澡換衫化妝, 等他下班回家接我.

P帶我到一間我們都未去過的意大利餐廳, 大家喝點酒, 談天說地. 吃過晚飯, 再散步到附近的雪糕店吃gelato, 我沒有吃雪糕, 看著他已經夠甜了(好~想~嘔!)

最珍貴的禮物

P今朝一張開眼便問我「Where are Dunny and Joey?」「在suitcase裡面囉, 做咩無端端問呀, 你發夢見到他們嗎?」「係呀!」

Joey是P唯一一個公仔, 有一年P媽媽在他們三兄弟就讀的high school賣物會買了三個穿學校欖球球衣的公仔給他們, P的那一個跟他一樣是金髮的. 四兄弟姊妹只有他一個是金髮, 其他都是深啡色頭髮, 聽說P小時候常被家姐和兩個弟弟取笑他是執番來的!

P為他起了一個名字 – Joey, 因為他們都是Joey仔呢! (讀St. Joseph’s College的男仔都叫Joey仔.)

香港口音英文 vs 澳洲口音中文

在香港的時侯, P星期五下班後間中會陪我同同事飲嘢, 我的同事都覺得他有好重的澳洲口音, 可能我聽慣, 又唔係好覺. 到澳洲後, 第一次同P家姐的男朋友見面, 他的澳洲口音真是勁到連講數目字我都聽唔明. (明明是自己英文不好, 仲要瀨人!)

除了澳洲口音, 澳洲俚語也是令我有少少R頭的奇怪語言. 以下是一些經常會聽到的俚語 :

Arvo – afternoon
Chook – chicken
Down under – Australia
G’day – good day
Loo – toilet
Macca’s – McDonald’s
Mate – friend

中西大不同

相信有很多另一半是外國人的朋友都跟我有差不多的經歷, 剛開始拍拖的時候被各種另一半認為平常不過, 自己卻感覺新鮮得很的事物沖昏頭腦, 覺得自己見識到一個全新的世界. 例如原來午餐便可以喝酒很爽啊, 周末除了行街睇戲食飯之外, 行行山或到南丫島遊玩也不錯; 又例如原來魚蛋粉舖的炸魚皮比薯片好味一百倍, 中秋節可以到大坑親身舞火龍(一分鐘咁多)很好玩啊! 這種新鮮感的確令熱戀期維持得長久一點.

七周年

剛剛過去的星期一是我們的七周年紀念, 我們到了位於CBD的Aria共進晚餐, 望著Brisbane River同Story Bridge夜境很浪漫呢! 從未出國讀書的我由當年的爛英文到現在(仍然很爛)的確進步了不少, 但吵起架來始終未夠流暢,要加插廣東話才能充分表達我的憤怒, 有待改進! 而P的廣東話仍然處於基礎階段, 即係比〝即係識講粗口階段〞好少少,例如 :
食物篇 – 大部份點心都識, 最勁係〝how come小籠包冇soup嘅?〞(嘩! 差不多成句中文句子啦!) ~掌聲鼓勵~

鬧人篇 – 有冇搞錯, 打得少呀你, 槳你個咀… (好明顯比我鬧得多. 從錯敗中學習,值得加許!)實用篇 – 唔好買<-----真係好實用!, 巴士站有落…
廣告篇 – 黑色素stop (fancl), 我又胃痛啦, 一緊張又胃痛 (某牌子胃藥~唔記得)

講番餐飯先, 由於有人有選擇困難症, 所以我們點了winter tasting menu, 不用煩.

我本來最想吃的是duck consommé, 吃過之後反而最喜歡第二度的artichoke goat curd brussel sprouts salad (左下)

吵架

今早跟P吵完架, 不想在家對住個衰人, 便換件衫到屋企附近散步. 誰知跑完返屋企之際才發現鎖匙掉了, 唯有死死地氣打給P求救 (個衰佬竟然自己揸左去fortitute valley嘆咖啡). P回家後問我行左去邊, 提議去搵鎖匙, 我十萬個不情願地給他看我的Nike Running record, 他看罷笑著問我:「did you get lost? 」係呀…咁又點? 接著二人大笑, 這場架亦吵完了.

生活在澳洲

從香港搬到澳洲已經兩年多了, 可能是因為沒有出外工作的關係, 總覺得還未完全適應這邊的生活.除了逢星期四到老人中心做義工外, 每天的工作都只是朝早起床煮咖啡做早餐給P(太凍或太懶或沒心情的時候除外), 熨恤衫, 然後歡送P出門上班. 跟住洗衫,吸塵, 上網看看Bloggers煮飯, 出街做gym, 或在家跳鄭多燕,閒時練習書法, 買餸煮晚餐, 輕輕鬆鬆又一天…