Welcome back my babe!!

我最最最掛住的P星期日終於回家了!  好開心!

過去的十晚, 只有兩晚可以一覺瞓天光, 其餘八晚真的每晚三點幾扎醒, 之後點都瞓唔番, 眼光光直至五點天光才可以瞓多幾個鐘.

P朝早七點半已經回到家了, 十四小時的機程, 完全沒有睡, 那就對了, 兩個都眼瞓到爆, 他沖個快涼便一起倒頭大睡.

二點才起身, 到Café 63(係呀, 又係這間呀, 哈哈!)食個lunch, 之後到新開不久的Gasworks行逛, 吃gelato, 買餸回家.

台式晚餐 – 香菇滷肉 涼拌西蘭花梗

很多時我都會趁P出外工幹時, 事無忌憚地吃中式料理. 包餃子, 炒飯… 昨晚突然想起今年三月跟好友到台灣時的酒店早餐的台式粥, 再加上配料滷肉啦,  肉鬆啦, 醃辣蘿蔔啦, 還有我第一次吃覺得很美味的涼拌西花蘭梗, yum yum!!

飲飲食食在布里斯本

P這陣子真的很忙, 兩個月出了四次trip, 但他一有時間就會帶我去玩呢.

他的同事說Gold Coast有間酒樓是他吃過全澳洲最好味的, 所以P和我便揸車去試一試. 車程連塞車差不多兩小時, 雖然味道跟普通在澳洲的酒樓沒分別 (不知怎的, 明明這裡的點心師父都是Chinese啦, 但無論點心的形狀和味道都比香港的差一點.)

然後到旅遊區買rip curl沙灘拖鞋, 到海邊散步, 再揸車回家. 開開心心過了一個星期六.

又有一個weekend, P家姐約我們到Regatta飲杯野. 這裡很舒適呀, 十二月老豆同細妹來探我的時候又多一個to-go-list了.

生活二三事

P昨晚起程到德國工幹去, 下星期日才回家.

見他的itinerary真係好肉赤, 飛十四個鐘到杜拜, 在機場等三個鐘, 再飛六個半鐘到Munich, 再等三個鐘, 再搭內陸機到Berlin. 
今朝九點幾收到P的whatsapp, 他仍在機上呀, 說在機上睡了大約五個鐘, 都好過無啦.

早餐

很久沒有update個blog了, 無辦法啦, 難得P這兩個星期不用出trip, 我要好好照顧我個米飯班主, 他下星期四又要到德國個幾禮拜, 到時我大把時間寫blog.

自從P回到澳洲後, 他的身形好似吹波咁. 我已經成年沒有做蛋糕甜品, 又不會在超市買古力雪糕, 但他愛吃甜的程度簡直誇得驚人.
舉例 : 他下班後瞞著我到M記drive-thru買軟雪糕吃, 吃完才回家... 最少兩次! 點解我會知呢? 因為我發現他的公事包裡有包住雪糕筒個張紙! (是他叫我在公事包拿東西給他的, 不是我check他呀不要誤會.) 不過, 我沒有拆穿他, 間中放縱一次, 女人要識隻眼開隻眼閉才得老公錫呀! 做咩講到好似偷情咁, 啋啋啋!

為了他的健康著想, 星期一至五的早.午.晚三餐都要煮. 早餐在家吃, 做lunch box給他, 晚上不吃紅肉少吃澱粉質.