鱒魚薯餅

在外地居住的人, 多數都會一次過到超級市場買齊一星期的食材, 但我不會駕車, 不能拿太多東西, 所以通常一星期買兩次.
不要以為買餸好容易呀, 要花心思預先想好幾天的早午晚餐單, 營養均衡, 不常重複, 還迎合P的口味.
又到第二次買餸的時候了, 之前買了一袋新薯未吃完, 久放又會發芽, 決定做薯餅把它消滅. 看見來自澳洲的鱒魚(ocean trout)很新鮮, 買一件用來做鱒魚薯餅.

買完餸回家已經很累, 所以用了懶人小撇步煮薯仔, 用濕了很多水的kitchen paper將薯仔包住, 放在微波爐叮八至十分鐘, 拆開kitchen paper的時候要小心呀, 因為會非常熨手! 由於時間關係, 相中的鱒魚已經烚熟和去皮.  之後又發覺六個薯仔得一件鱒魚太少了, 所以臨時加入罐頭三文魚!

鱒魚真的很新鮮, 顏色很鮮艷呢, 看見左邊碗中橙色的魚油嗎?

鱒魚, 罐頭三文魚, 薯蓉, 再加入炒過的洋蔥, 香草dill, 和鹽, 拌勻後可以開始做薯餅了!

用手做成圓形, 表層沾上麵粉. 做了十二個, 用密實袋裝了四個放冰箱急凍, 留來星期六做早餐.

P下班後嚷著要幫忙, 我便叫他將西蘭花汆水, 他將我準備炒菜的蒜頭也一同放進煲裡! 不過他肯幫手已經很有誠意了, 我也不要為一棵蒜頭依依哦哦.