P因為要準備星期二至五的business trip, 所以生日都沒有放假. 我本來打算煮生日大餐的, 連菜色都想好了, P說等廚房裝修好再補煮生日餐給他, 又提議到Sono吃日本菜(其實他想出街食) , 那我便打電話訂枱. 原來在Portside那間Sono逢星期一休息, 唯有到City的分店罷 (我們不太喜歡到city吃飯, 因為泊車很貴呀!)
知他忙著準備出trip, 又不想他專登回家車我去吃飯, 話哂都是他生日嗎. 所以我四點便出門口, 搭巴士到他公司樓下接他放工, 結果去到五點二. 平時P揸車上班不塞車的話只需十至十五分鐘, 而我又等車又轉車又行路要成個幾鐘, 誠意一百分! P說下次叫他接我就好了, 我說下年他生日我已經考到車牌可以接他, 哈哈!
到了餐廳, 是日式的塔塔米, 要除鞋的. P知道要除鞋後好開心, 覺得好free, 成餐飯係咁踩我對腳, 痴咗線!
由於有人又懶諗食咩, 所以選了"Zen Course”, 其實即係degustation menu / tasting menu. 加四十蚊仲可以有埋pairing sake.
第一道菜是四款不同的entrée, 那侍應應該是新的, 四款他只記得兩款的名稱. 正方形個舊始終是一個迷, 我吃了都不知是什麼. 而杯sake我和P都覺得不好喝, 後來看menu才知那不好喝的sake原來很貴的呢, 真的不懂欣賞.
第二道 – 刺身, P的飛佛. Sake很清香.
第三道 – 蛋皮包住D燒鰻魚, 蛋皮很鞋呀.
第四道 – 天婦羅龍蝦two way
第五道 – 有鴨有蝦有帶子
第六道 – 燒 Wagyu, 這個最好吃! Sake也很特別, 深啡色的, 味道好像花雕.
第七道 – 壽司和蜆肉麵豉湯, P平時最憎麵豉湯都成碗喝掉, 好味!
第八道是chocolate cheese cake and ice-cream. 我在想日本餐廳的甜品起碼都有少少紅豆少少綠茶和果子掛, 失望到爆. 好彩P喜歡吃古力, 他吃埋我個份.
整餐飯除了Wagyu比較突出之外, 其他可以算是平平無奇. 但是我們吃得很開心, 因為飯腳才是最重要呀, 同我個babe食飯, 食咩都咁好味!
沒有留言:
發佈留言