學神

今年年頭終於的起心肝去考筆試. 一直提不起勁去考, 其中一個原因是未換車之前P是揸Jeep的, 但L牌仔不可以揸大馬力的車. P當然不會因為我而換車啦, 只是架Jeep的油費維修費實在貴得驚人, (個個weekend都揸去樹林爛路水氹幾粒鐘唔知有咩咁好玩), 直到上年買了屋要慳得一蚊得一蚊才換了架日本車. 第二個原因是我的方向感就如受了磁埸影響的白鴿一樣,唔知自己去咗邊!
我經常都會讚P「你好叻呀, 又識揸車, 又認得路!」 有人沾沾自喜又要懶謙虛,「個個都識啦!」我再讚, 「我都唔識! 好窄個位你都泊到車,又唔會蕩失路. 你個腦裡面個地圖係點樣架, 係咪3D架, 點解我個腦冇地圖嘅,我可唔可以download你個地圖app呀?」P笑而不語, 直至到達停車場, 「拿睇住啦, 我泊車啦,你遲D要學架.」我今次極盡浮誇拍埋手掌,「嘩!!! 好犀利呀!!!」P照單全收.
(打拍子, 一.二.三.四, 起歌...) 男...人...是否都一樣....

考完筆試之後我返了香港兩個多月, 五月中回澳後才有機會嘗嘗駕駛的滋味.
頭一兩次P帶我到少車少人的地方不斷繞圈練習. P的評語是我揸得很慢.
第三次練習, 正式到馬路啦! 第一次等紅綠燈, 第一次打燈轉線… 第一次U turn… 一有車在我旁邊駛過我都好驚,地下突然多了很多條線, 平時都沒留意到. 大約一小時的練習, 兩次踏錯油門當煞車, 好在沒有人在附近 (真的抺一把汗!!) 嚇得P差點心臟病! 好不容易把車揸回家了, 坐在沙發上,手好像有點震, P大難不死後還要安慰我的弱小心靈.

小總結 : 比我想像中難很多, 完全不enjoy, 但會硬著頭皮, 用心學好, 因為我想出外吃飯時,P多喝一點酒後我都可以揸車回家.

最重要的是我讚P識揸車好叻是~真~心~的~啊!!